2 de decembro de 2025
Cidade da Cultura de Galicia, Santiago de Compostela
O 2 de decembro recibimos no Gaiás a Tino Martínez, un dos grandes referentes da fotografía galega, para compartir unha xornada arredor do seu traballo e da súa longa traxectoria.
Durante o encontro percorremos Fe, un proxecto desenvolvido ao longo de máis de catro décadas no que documentou diferentes manifestacións da relixiosidade popular galega. Romarías, procesións, promesas e tradicións fotografadas en branco e negro desde a proximidade e o respecto. Cultura de Galicia
Foi tamén unha oportunidade para falar de fotografía documental, memoria e compromiso, e para escoitar a quen leva toda unha vida empregando a cámara como ferramenta para conservar unha parte importante da nosa historia.
