O punto de encontro da fotografía profesional galega.
Unha rede útil, próxima e activa onde compartir coñecemento, acceder á formación e sentirse acompañado nun sector que cambia constantemente.
A asociación
Aberta a profesionais de diferentes especialidades, nace coa intención de sumar, crear comunidade e defender o valor da fotografía como oficio, como cultura e como ferramenta de comunicación.
O noso obxectivo é crear unha rede útil, próxima e activa, onde os socios poidan compartir coñecemento, acceder a formación, participar en actividades e sentirse acompañados dentro dun sector que cambia constantemente.
Traballamos para dignificar a profesión, fomentar a calidade, apoiar a formación continua e visibilizar o traballo dos fotógrafos e fotógrafas galegas.
Traballamos para
A nosa historia
ASFOGAL, Asociación de Profesionais da Fotografía e a Imaxe de Galicia, foi constituída o 1 de xaneiro de 2022 por Marcos Rodríguez, Pablo Verdes, Víctor Martínez, Vicente Domínguez e Manuel Iglesias coa intención de crear unha asociación profesional capaz de representar, conectar e fortalecer ao colectivo fotográfico galego.
A asociación naceu nun momento no que moitos profesionais compartían unha mesma necesidade: dispoñer dun espazo común dende o que intercambiar experiencias, acceder a formación de calidade, defender os intereses da profesión e contribuír ao crecemento da fotografía profesional en Galicia.
Dende os seus primeiros pasos, ASFOGAL apostou pola creación dunha comunidade activa e participativa, aberta a fotógrafos e fotógrafas de diferentes especialidades e sensibilidades, pero unidos por unha mesma visión: dignificar a profesión e poñer en valor o traballo dos profesionais da imaxe.
Ao longo destes anos, a asociación organizou talleres, conferencias, encontros e actividades formativas coa participación de destacados profesionais da fotografía, convertendo a formación nun dos seus principais sinais de identidade. Ao mesmo tempo, foi consolidando unha rede profesional que hoxe reúne a fotógrafos de distintos puntos de Galicia baixo un proxecto común.
A pertenza á Federación Española de Profesionais da Fotografía e da Imaxe (FEPFI) permitiu tamén fortalecer a conexión da fotografía galega co ámbito profesional estatal, facilitando o acceso a iniciativas, cualificacións, recoñecementos e oportunidades de desenvolvemento para os seus asociados.
Hoxe ASFOGAL continúa medrando coa mesma filosofía coa que foi creada: promover a formación, fomentar a colaboración entre profesionais, defender os intereses do sector e contribuír ao prestixio da fotografía e da imaxe en Galicia.
Federación
Federados na FEPFI.
ASFOGAL forma parte da Federación Española de Profesionais da Fotografía e da Imaxe (FEPFI), a principal entidade profesional do sector en España, reforzando así a conexión dos fotógrafos galegos co ámbito profesional estatal.
A xunta directiva
Ao servizo dos socios e socias.
ASFOGAL está dirixida por unha Xunta Directiva formada por profesionais da fotografía comprometidos co desenvolvemento da asociación e coa defensa dos intereses do sector.
O seu labor consiste en coordinar as actividades da entidade, impulsar novas iniciativas, representar á asociación ante institucións e organizacións profesionais e traballar para que ASFOGAL continúe medrando como punto de encontro para os profesionais da fotografía e da imaxe en Galicia.
A Xunta Directiva está ao servizo dos socios e socias, promovendo unha asociación aberta, participativa e en constante evolución.
