9 de outubro de 2025
20ª edición do Premio Nacional de Fotografía Quijote
Auditorio José Luis Perales, Cuenca
O fotógrafo e presidente de ASFOGAL Marcos Rodríguez gañou o Premio Quijote 2025 na categoría de Paisaxe e Natureza durante a gala celebrada en Cuenca.
Na entrega, Carmen Teresa Olmedo Pedroche, viceconselleira de Cultura e Deportes de Castela-A Mancha, destacou a capacidade da obra «para transportar o espectador a un plano distinto e mantelo en vilo».
Este galardón recoñece unha vertente esencial da obra persoal de Marcos Rodríguez, desenvolvida arredor do territorio, a memoria e a paisaxe. Un traballo no que os lugares non funcionan unicamente como escenario, senón tamén como unha forma de contar o que permanece neles.
Organizados por AFOCAM, os Premios Quijote celebraron en 2025 a súa vixésima edición e son un dos certames de referencia da fotografía profesional en España.
