17 de novembro de 2025
Gala do 31º aniversario de APPImagem
Casino de Espinho, Espinho (Portugal)
O fotógrafo e presidente de ASFOGAL Marcos Rodríguez recibiu oficialmente o título de Mestre Fotógrafo Internacional, concedido pola Associação Portuguesa dos Profissionais da Imagem (APPImagem).
O título foi acadado tras os resultados obtidos nas Qualificações APPImagem 2025, celebradas en abril no Hotel Príncipe Perfeito de Viseu. Marcos Rodríguez conseguiu oito obras meritadas, o máximo número de traballos que podían ser recoñecidos nun mesmo ano, e varias delas foron seleccionadas tamén para formar parte da Coleção de Honra.
A entrega oficial tivo lugar durante a gala do 31º aniversario de APPImagem, celebrada no Casino de Espinho, onde recibiu o diploma acreditativo e a insignia que o incorporan formalmente ao grupo de profesionais recoñecidos con este grao.
Este título supón un novo paso na súa traxectoria dentro da asociación portuguesa, que xa o nomeara Fotógrafo Distinguido en 2023, e recoñece a constancia, a evolución e a calidade mantida no seu traballo fotográfico.
