7 de novembro de 2024
Premios LUX de Fotografía Profesional
O fotógrafo e membro de ASFOGAL Roberto Ouro Tubio foi recoñecido co Premio LUX Bronce 2024 na categoría de Paisaxe e Natureza pola súa obra El animal y la montaña.
A fotografía, realizada nos Ancares leoneses, mostra unha cabra montesa fronte á inmensidade da paisaxe. Unha imaxe construída arredor da relación entre o animal e o territorio, na que a montaña deixa de ser un simple escenario para converterse nunha parte esencial da historia.
O galardón foi entregado durante a gala celebrada no Disseny Hub Barcelona. Organizados pola Asociación de Fotógrafos Profesionais de España (AFPE), os Premios LUX son un dos principais referentes da fotografía profesional no ámbito estatal.
Este recoñecemento chegou nun ano especialmente importante para Roberto Ouro, no que tamén foi distinguido nos Premios Luces de Granada e obtivo unha nominación nos Premios FEPFI, consolidando unha etapa de crecemento e evolución dentro do seu traballo fotográfico.
